2
PRO BISTA Partisipashon Fundashon Pro Bista Kòrsou Siman 12 / Mart 2015 - 1/2 UN SELEKSHON DI NOTISIA SEMANAL DI FUNDASHON PA HENDE KU LIMITASHON VISUAL Nòmber pa partisipashon? Nos ke pidi tur kliente i boluntario pa yuda nos pensa un nòmber pa nos partisipashon di tur siman. Si bo tin un sugerensia por fabor pasa na Departamentu Sosial Rekreativo òf serka Jumarie Chap i duna bo sugerensia. PALABRANAN DI SIMAN: Good teachers bring out the best of their students. Sera Konosi Ku: Nòmber: Kendra Fam: Evertsz Edat: 28 Profeshon: Pedagoog Kuminda preferí: karni stoba Kolo preferí: salmou Hòbi: Nada, mi gusta landa si! Muzik preferí: Bachata Funshon den Pro Bista: kordinadora di departamentu di hoben i mucha Kuantu tempu den Pro Bista?: 2 luna Ki ta motivá bo pa sigui den Pro Bista?: ora mi ta mira kuantu potensial e muchanan aki tin aden e ta dunami mas smak di tra pa asina yudanan bai dilanti Kon bo ke mira Pro Bista den futuro?: Pa e sigui krese den profesionalismo i rekursonan pa asina e kuido ku ta briinda tambe por sigi krese Cura Doet: Nos kier a informá na tur kliente ku e aña aki atrobe Fundashon Pro Bista ta partisipá na Cura Doet. Cura Doet ta un proyekto kaminda tur organisashon por inskribí un tarea, i pidi boluntario pa yuda. E ta un forma pa un organisashon por haña mas boluntario pa yuda nan. E aña aki nos ta bai tin un dia pa malkriá nos klientenan. Nos ta bai hasi manikür/pedikür/ kabei duna masashi etc. E ta tuma lugá dia 20 di mart. Di 10 or di mainta pa 3 or di atardi. Nos ke pidi tur kliente ku ke partisipá pa inskribí nan mes na departamentu Sosial Rekreativo. Aña pasa tabata tremendo, pues nos ta ban hasi esaki mas mihó atrobe. Nos ke motivá nos boluntarionan pa subi riba e website di Cura Doet (www.curadoet.com) i wak e tareanan di e organisashonnan. Bo por inskribí bo mes pa hasi algu na un otro organisashon i asina konosé tambe kon nan ta traha, i alabes duna un man. Loke bo man drechi hasi, man robes no mester sa: E aña aki tambe nos ta rekoudá pa “Loke bo man drechi hasi bo man robes no mester sa”. Nos klientenan Sildra Joseph i Elsio Cornecion ta kanando ku e Buzon i pasa serka tur hende pa kolektá. Tur hende por koperá tur siman ku e lokual nan por. Despues nos ta anunsiá pa kua instansia e donashon ta bai. Fundashon Pro Bista Kòrsou, Corrieweg 16, Tel: (+5999)737-9222, Fax: (+5999)737-9728, Email: [email protected], Website: www.probista.com Agape: Nos kier a informá ku dia 27 di mart tin Agape. E aña aki tin e tema: “E poder di e palabra”. E agape ta di 2 or pa 5 or di atardi. Den sala Corrie van Putten di Pro Bista. E ta kosta Naf. 7.50 Por inskribí i paga na departamentu Sosial Rekreativo. Kaminda di Krus: Dia promé di aprel tin nos tradishonal kaminda di krus. Esaki ta di 8:30 di mainta pa 12:00 or di mèrdia. Tur hende ku ke partisipá por inskribí na departamentu Sosial Rekreativo. Ora bo inskribí por fabor indiká si bo ta bai kana òf ku bo ta keda den sala. Esaki pa por organisá tur kos bon. Optelec Clear Reader: Departamentu di Revalidashon ta anunsiá ku den biblioteka nos tin un aparato ku yama: Optelec Clear Reader. Esaki ta un aparato ku ta scan un dokumento i ta les’é bek pa e usuario. Tur kliente ku ke hasi uso di e aparato aki por pasa serka Sammy of Geeta pa mas informashon. Wak riba youtube: https://www.youtube.com/ watch?v=Njl9WZ6X-bc Kumpleaño: 18 mart: Xexster Snijder 20 mart: Aura Kwidama 23 mart: Audrey van Blarcum
